انجاني حبها

4
ردت وهي بتقعد = شكراً
اتكلمت بصرامه _ انا حذرتك قبل كده من الغياب ولا لا؟
= اا.. أيوه

_ وحضرتك غبتي تاني لي

اتكلمت بعصبيه غير مبرره وهي بتقف = حضرتك دي حاجه تخصني انا ، حضرتك ملكش دعوه بغيابي؟

رجعت ضهري لورا ع الكرسي وانا بلعب بالقلم بهدوء وبحط قدامها ورقه

_ تمام حقك ، اتفضلي اقعدي بقا

قعدت بحذر بعد م شافت هدوئي ال مكانتش متوقعاه بعد كلامها

اتكلمت وانا بوديلها الورقه ال كانت ف ايدي ، وال كنت مجهزها قبل كده وانا عارف ان ده هيبقى ردها ع سؤالي

_ امسكي

ردت بعدم فهم = اي ده؟

_ امتحان ،

اتصد،مت فكملت ، طبعاً زي م قولتي انا ماليش حق اسألك ع غيابك بس ليا حق امتحنك وقت م أحب ، ف اتفضلي

اتكلمت وهي وشك البكا = ي دكتور

اتكلمت بصرامه مصطنعه وانا مستمتع بتوـ,,ـترها ده _ امتحني ي مريم

ردت برجاء طفولي = طب يوم تاني بالله عليك

حاولت امنع ضحكتي عليها_ قولت امتحني ي مريم

ردت برجاء وهي بتضم ايديها لبعض زي الاطفال

= طب بكره والله العظيم بكره

حاولت اكتم ابتسامتي ع طفولتها اللذيده

_ الامتحان ربع ساعه

= ي دكتور

_ كلمه كمان وهيبقوا خمس دقايق

قعدت ع الكرسي بعصبيه وغيظ ال قدامي وانا قاعد قدامها ع كرسي المكتب بهدوء ، محاولتش اغض بصري زي م الشيخ محمد قالي وعرفني اثناء م كنا بنتكلم عن الاسلام وتعاليمه ، مقدرتش، فضلت مستمتع بالنظر ليها ، لتوترها ، لارتباكها ، لخجلها ال متاكد انه باين من تحت النقاب

_ فاضل عشر دقايق

مردتش وفضلت باصه ف الورقه ، قبل م اخد بالي من دـ,,ـموعها ال بللت النقاب وبدأت تنزل ع الورقه

قبل م اتكلم كانت قامت وقفت واتكلمت بعصبيه وصوت متهدج من البكا

= الإمتحان اهو ، عايز تسقـ,,ـطني سقـ,,ـطني ، كده كتير بقا والله

وخرجت جري من الباب ال كان مازال مفتوح ، هو انا زودتها ولا اي ، هي دي غلطتي يعني ان انا سبت الباب مفتوح

= مريم… مريم… طب اقفي طيب

معبرتش فيا وانا عمال انادي عليها وسابتني وخرجت

خرجت اجري وراها بعد م خطـ,,ـفت مفاتيحي وتلفوني وجريت

ع م دورت عليها بعيني ف وسط الجامعه لقيتها بتجري تركب تاكسي

ف نفس الثانيه جريت ركبت عربيتي ومشيت وراها

قبل م الاحظ حركه السواق المريبه ، وال خلتـ,,ـني اضـ,,ـاعف سرعتي عشان الحقها

يتبع…